Семей қаласының Қарағайлы шағын ауданында көп қабатты тұрғын үйлердің құрылысы қарқынды жүріп жатыр. Биыл онда құрылысы басталған 18 тұрғын үйдің төртеуі қолданысқа берілді, деп хабарлайды Tura18.kz.
Алдағы уақытта Қарағайлыда салынатын 29 несиелік тұрғын үйдің жобалық-сметалық құжаттамасы жасалған. Семей қаласының әкімдігі инженерлік желілер тарту бойынша жобалау-сметалық құжаттама әзірлеуге кірісті.
Айта кетейік, 2025 жылы өңірде жалпы ауданы 348,7 мың шаршы метр тұрғын үй пайдалануға беру жоспарланған. Халықтың әлеуметтік осал топтарын тұрғын үймен қамтамасыз ету мақсатында барлығы 1146 пәтер сатып алынады.
Абай облысының әкімі Берік Уәли салаға жауапты орынбасары Серік Төленбергенов пен құрылыс басқармасының басшысына аудан-қала әкімдерімен бірлесіп құрылыс жұмыстарының кестеге сай орындалуын күнделікті бақылауда ұстауды тапсырды.
