Биылғы 7 мамырда Семей қаласында SEITKHAN CUP республикалық турнирі өтеді. Бұл спорттық шара қазақ журналистикасының көрнекті өкілі, танымал комментатор Амангелді Сейітханды еске алуға арналған, деп хабарлайды Tura18.kz.
Турнирге еліміздің әр өңірінен БАҚ өкілдері жиналып, алаштың рухани орталығы саналатын Семей шәрінде бас қосады. Ұйымдастырушылардың айтуынша, бұл дода тек спорттық бәсеке емес, әріптеске деген құрмет, Амангелді Сейітхан рухына тағзым және журналистер арасындағы достықтың көрінісі болмақ.
Жарыс барысында журналистер футбол алаңында өзара бақ сынап, шеберліктерін көрсетеді. Осылайша қалам мен микрофон ұстаған мамандар бұл күні жасыл алаңда тартысты ойын өрнегін паш етпек.
Турнирдің бас қолдаушысы – Абай облысының әкімдігі, ұйымдастырушы – BAQ LIGA – Qazaqstan jurnalister ligasy.
