Көкпекті ауданының Жансары ауылында жаңа балалар ойын алаңы ашылды, деп хабарлайды Tura18.kz.
Жансары ауылында ірге көтерген бұл алаң тұрғындар үшін әлеуметтік маңызы бар нысан саналады. Өйткені ел болашағы саналған жас буынға жағдай жасау, жас ұрпақтың салауатты болуы – мелекеттік саясаттың басты бағыттарының бірі.
Алаңның ашылу салтанатына Көкпекті ауданының әкімі Әділет Қожанбаев арнайы қатысып, ауыл тұрғындарын жаңа нысанның іске қосылуымен құттықтады.
Аудан басшысы өз сөзінде балалардың бос уақытын тиімді өткізуі мен салауатты өмір салтын қалыптастыруда мұндай алаңдардың маңыздылығын атап өтіп, ауылды дамыту бағытындағы жұмыстар алдағы уақытта да жалғасын табатынын жеткізді.
Жаңа ойын алаңы заманауи талаптарға сай жабдықталған және ауыл балаларының қауіпсіз әрі көңілді демалуына мүмкіндік береді.
