Көкпекті ауданында халықтың әлеуметтік осал топтарына жататын отбасыларды баспанамен қамтамасыз ету мақсатында 58 тұрғын үйдің құрылысы басталды, деп хабарлайды Tura18.kz.
Аталған жоба тұрғын үй кезегінде тұрған азаматтарды баспанамен қамту аясында жүзеге асырылып отыр.
Құрылыс жұмыстары атқарушы органдар мен мердігер ұйымдар арасында жасалған меморандум негізінде жүргізіледі. Әр пәтердің ауданы – 85 шаршы метр.
Тұрғын үйлер Көкпекті, Үлгілімалшы және Преображенка ауылдарында бой көтереді. Көкпекті ауылында 25 екі пәтерлі үй салынып жатыр. Ал Үлгілімалшы және Преображенка ауылдарында екі пәтерлі екі үйдің іргетасы қаланды.
Құрылыс жұмыстары осы жылдың қараша айына дейін аяқталып, жаңа баспаналар ел игілігіне беріледі.
