Қазақстанда 9,5 мыңнан астам мектеп сыныбы қашықтан оқуға көшірілді. Онлайн білім алып жатқан оқушылардың дені Қостанай, Абай және Шығыс Қазақстан облыстарында, деп хабарлайды Tura18.kz.
Бұл туралы Оқу-ағарту министрлігі Орта білім комитетінің баспасөз қызметі мәлімдеді. Ведомствоның ақпаратына сүйенсек, еліміздің бірқатар өңірінде ЖРВИ мен тұмауға байланысты эпидемиологиялық ахуалға қиындап, соған орай 9 526 мектеп сыныбы қашықтан оқытуға ауыстырылған.
2025 жылдың 26 қарашасынан бастап Қазақстанда 789 мектеп пен 9526 сынып қашықтан оқыту форматына ауыстырылды.
Өңірлер бойынша жағдай төмендегідей:
- Қостанай облысы: 155 мектеп, 2519 сынып
- Шығыс Қазақстан облысы (ШҚО): 133 мектеп, 1972 сынып
- Абай облысы: 123 мектеп, 952 сынып
- Ақмола облысы: 83 мектеп, 795 сынып
- Павлодар облысы: 78 мектеп, 560 сынып
- Астана қаласы: 60 мектеп, 643 сынып
- Жамбыл облысы: 44 мектеп, 1283 сынып
- Ұлытау облысы: 30 мектеп, 195 сынып
- Қарағанды облысы: 28 мектеп, 182 сынып
- Солтүстік Қазақстан облысы (СҚО): 39 мектеп, 182 сынып
- Атырау облысы: 9 мектеп, 158 сынып
- Маңғыстау облысы: 5 мектеп, 82 сынып
- Батыс Қазақстан облысы (БҚО): 2 мектеп, 3 сынып
Денсаулық сақтау министрлігінің мәліметінше, Қазақстанда 2,1 миллион адам тұмауға қарсы екпе алған. Тұмауға жатпайтын вирустардың айналымына мониторинг жүргізіліп жатыр. Республика бойынша 3 мыңнан астам үлгі зерттеліп, риновирус, парагрипп, аденовирус, бокавирус, коронавирус, РС-вирус және басқа да бірқатар вирустың таралып жүргені анықталған.
