Бұқаралық ақпарат құралдары қызметкерлерінің кәсіби мерекесіне орай Көкпекті ауданының әкімі Әділет Қожанбаев «Жұлдыз» және «Новая жизнь» газеттерінің шығармашылық ұжымын қабылдап, кәсіби мерекелерімен құттықтады, деп хабарлайды Tura18.kz.
Ақпарат майданында аянбай еңбек етіп жүрген тілшілер қауымының еңбегі – өлшеусіз. Қаламы қарымды журналистердің азаматтық ұстанымы мен шеберлігі арқылы өңір тынысы, халықтың үні мен үміті кеңінен жеткізіледі. Аудан тұрғындарын шынайы ақпаратпен қамтамасыз етуде «Жұлдыз» және «Новая жизнь» газеттерінің атқаратын рөлі жоғары. Барша БАҚ өкілдерін кәсіби мерекемен құттықтаймын, – деді аудан әкімі
Кездесу барысында аудан басшысы журналистерге шығармашылық табыс, сарқылмас шабыт, мықты денсаулық пен жаңа белестерді бағындыру жолында сәттілік тілеп, марапаттады.
Айта кетейік, 28 маусым — Бұқаралық ақпарат құралдары қызметкерлері күні.
