Семейде өткен Abay First Regional — 2025 атты аймақтық робот техника және IT саласы бойынша интелектуалдық сайыста Көкпекті ауданының клмандасы тамаша өнер көрсетіп, чемпион атанды, деп хабарлайды Tura18.kz.
Зияткерлер бәсекесінде ауданның Көкпекті және Шайжүнісов орта мектептері бірлесіп құрған “Байбура” командасы биік деңгейден көрінді. Бұл ретте команданы сайысқа дайындап, жетекшілік еткен білікті мұғалімдер Жомарт Оразбеков, Жанаргүл Нарбинова және Бақытбек Орынбаевтың еңбегін ерекше атап өткен орынды.
«Байбура» командасы робо-дизайн бөлімі бойынша 1-орынды иеленді. Осының арқасында біздің команда келер жылы қаңтарда Астана қаласында өтетін жарысқа қатысуға мүмкіндік алды. Кілең Семей қаласының НЗМ, Экономикалық лицей сияқты мықты командаларымен ашық жарысқа түскен біздің оқушылар нағыз командалық жұмыс көрсетті.
Жалпы, Бақытбек Орынбаев — республикада жоғары нәтиже көрсетіп жүрген озық IT маман. Оның Көкпектіге келуі «Көкпекті» ауылшаруашылық қорының қаржылай қолдауының арқасында мүмкін болған.
