Бүгін Мемлекет басшысы Қасым—Жомарт Тоқаев халыққа арналған кезекті Жолдауында Үкіметке су ресурстарының бірыңғай цифрлық платформасын жасауды тапсырды, деп хабарлайды Tura18.kz.
Су ресурстарының бірыңғай цифрлық платформасын жасау керек. Платформада жасанды интеллект негізінде жерүсті және жерасты сулары туралы мәлімет жинақталады. Сондай-ақ каналдардың, су қоймалары мен бөгеттердің жай-күйі жөніндегі ақпарат болады. Жоба іске қосылғанда гидрогеология мониторингі, яғни бақылау жұмысына қатысты мәселе толық шешімін табады, – деп атап өтті Президент.
Бұл жұмыс Ұлттық су теңгерімін қалыптастыру ісімен қатар жүргізілетін болады. Кәсіби кадрлар даярлау ісіне, оның ішінде су дипломатиясымен айналысатын мамандарды әзірлеуге ерекше назар аударылмақ.
Қазір құзырлы органдарда еліміздегі су ресурстарының қолжетімді көлемі туралы нақты мәлімет жоқ. Кейбір каналдағы судың 50-60 пайызы далаға кетіп жатыр. Ал суды есепке алу технологиясы әбден ескірген. Суды бөліп тарататын орындарда қазіргі заманға сай құрылғылар жоқ, – деген Қасым-Жомарт Тоқаев саладағы қордаланған проблемаларды шешуді Үкіметке жүктеді.
