Тарих қойнауына еніп бара жатқан 2025 жылы толағай табысқа жетіп, жетістігімен ел мерейін өсірген Абай облысының спорт саласы өкілдері анықталды. Үздіктердің үздігін аймақ басшысы Берік Уәли марапаттады, деп хабарлайды Tura18.kz.
ҮЗДІК ЖАТТЫҚТЫРУШЫ
«2025 жылдың жазғы олимпиадалық спорт түрлеріннен үздік жаттықтырушы» – Амиров Мұрат Болатұлы, грек-рим күресінен біліктілігі жоғары дәрежелі жоғары санатты жаттықтырушы. Азия чемпионатының жеңімпаздары және Әлем чемпионатының күміс жүлдегерлері Сейтқалиев Диас және Құмарұлы Нұрдәулеттің жеке жаттықтырушысы.
«2025 жылдың қысқы олимпиадалық спорт түрлері бойынша үздік жаттықтырушы» – Яцкая Оксана Александровна, шаңғыдан біліктілігі жағары деңгейдегі жоғары санатты жаттықтырушы, IX Азия ойындарының күміс жүлдегері, Камила Ельгазинованың жаттықтырушысы.
«2025 жылдың паралимпиадалық спорт түрлерінен үздік жаттықтырушы» – Мусралимов Санат Рымбекұлы, пара таеквондодан біліктілігі жоғары дәрежелі жоғары санатты жаттықтырушы, Азия чемпионатының күміс жүлдегері Дәулетшина Айкенженің жеке жаттықтырушысы.
«2025 жылдың сурдлимпиадалық спорт түрлерінің үздік жаттықтырушысы» – Тоқтамысова Мәдина Елтайқызы, сурдо дзюдодан Қазақстан Республикасының еңбек сіңірген жаттықтырушысы, 25-ші Сурдлимпиада ойындарының қола жүлдегерлері Жетпісбаева Айым және Какетаев Алтынбектің жеке жаттықтырушысы.
«2025 жылдың ұлттық спорт түрлерінің үздік жаттықтырушысы» –Қыздарбеков Думан Жармухаметұлы, қазақ күресінен біліктілігі жағары деңгейдегі жоғары санатты жаттықтырушы, қазақ күресінен Әлем чемпионатының жеңімпаздары Сарипова Зарина және Сейтқазинов Ерсіннің жеке жаттықтырушысы.
«2025 жылдың үздік аудан жаттықтырушысы» – Тұрсынов Талғат Русланұлы, дзюдодан біліктілігі жоғары деңгейдегі бірінші санатты жаттықтырушы, жасөспірімдер арасындағы Азия чемпионатының жеңімпазы Зейнолла Фархаттың жеке жаттықтырушысы.
ҮЗДІК ҰЖЫМ
«2025 жылдың үздік командасы» – «Семей» футзал клубы, Қазақстан Республикасының жеңімпазы, футзалдан әлемнің үздік 8 командасының қатарында.
«2025 жылдың үздік спорт түрі» – грек-рим күресі спорт түрі, 2025 жылы Азия чемпионатында 2 алтын, 1 күміс медаль иеленді және Әлем чемпионатында 2 күміс медалға қол жеткізді.
«2025 жылдың үздік федерациясы» – «Абай облысы бойынша әуесқой бокс федерациясы».
«Аудан бойынша үздік балалар-жасөспірімдер спорт мектебі» – «Үржар ауданының мамандандырылған балалар-жасөспірімдер спорт мектебі.
ҮЗДІК СПОРТШЫ
«2025 жылдың жазғы олимпиадалық спорт түрлерінің үздік спортшысы» – Сейтқалиев Диас Ерланұлы, грек-рим күресінен Қазақстан Республикасының спорт шебері, Әлем чемпионатының күміс жүлдегері.
«2025 жылдың жазғы олимпиадалық спорт түрлерінің үздік жас спортшысы» – Құмарұлы Нұрдәулет, грек-рим күресінен Қазақстан Республикасының спорт шебері, Әлем чемпионатының күміс жүлдегері.
«2025 жылдың қысқы олимпиадалық спорт түрлерінің үздік спортшысы» – Бауэр Кирилл Игоревич, биатлоннан халықаралық дәрежедегі спорт шебері, IX қысқы Азия ойындарының күміс жүлдегері.
«2025 жылдың қысқы олимпиадалық спорт түрлерінің үздік спортшысы» – Елғазинова Камила Бейсенқызы, шаңғы жарыстарынан Қазақстан Республикасының халықаралық дәрежедегі спорт шебері, 9-шы Азия ойындарының күміс жүлдегері.
«2025 жылдың сурдлимпиадалық спорт түрлерінің үздік спортшысы» — Кәкітаев Алтынбек Серікұлы, сурдо дзюдодан Қазақстан Республикасының еңбек сіңірген спорт шебері, 25-ші Сурдлимпиада ойындарының қола жүлдегері.
«2025 жылдың сурдлимпиадалық спорт түрлерінің үздік спортшысы» — Жетпісбаева Айым Айтмұхамбетқызы, сурдо дзюдодан Қазақстан Республикасының еңбек сіңірген спорт шебері, 25-ші Сурдлимпиада ойындарының қола жүлдегері.
«2025 жылдың паралимпиадалық спорт түрлерінің үздік спортшысы» – Дәулетшина Айкенже Тұрсынғазықызы, пара таеквондодан Қазақстан Республикасының спорт шебері, Азия чемпионатының күміс жүлдегері.
«2025 жылдың үздік аудан спортшысы» – Зейнолла Фархат Нурланұлы, дзюдодан спорт шеберіне үміткер, Азия чемпионатының жеңімпазы.
«2025 жылдың ұлттық спорт түрлерінің үздік спортшысы» – Сейтқазинов Ерсін Нариманұлы, қазақ күресінен Қазақстан Республикасының халықаралық дәрежедегі спорт шебері, Әлем чемпионатының жеңімпазы.
«2025 жылдың ұлттық спорт түрлерінің үздік жас спортшысы» – Әсемханова Малика Саниязқызы, тоғызқұмалақтан спорт шеберіне үміткер, Әлем чемпионатының жеңімпазы.
«2025 жылдың көрермен көзайымы» – Жақпеков Ерасыл Талғатбекұлы, бокстан Қазақстан Республикасының спорт шебері, Азия чемпионатының қола жүлдегері.
«2025 жыл жаңалығы» – «Қарлығаш» атты сәйгүлік, ат иесі Искаков Мейрамхат Сейілбекұлы – республикалық ASTANA CUP аламан бәйгесінің жеңімпазы.
